Syerra Leoneda Ebola bezgagidan vafot etgan kishilar jasadi ba’zan bir necha kunlab ko‘chada qolib ketadi, deb yozadi Euronews.
Hukumatning tan olishicha, Ebola oqibatlari bilan kurashish uchun tibbiyot xodimlari soni umuman yetarli emas.
O‘tgan hafta Butunjahon sog‘liqni saqlash tashkiloti Fritaunda 400 nafar sanitarni professional tayyorlashni boshladi. Biroq infeksiya tarqalishi shu tezlikda davom etadigan bo‘lsa, ushbu xodimlar ham kamlik qilib qolishi mumkin.
Bemorlar bilan ishlovchi tibbiyot xodimlari orasida o‘lim darajasi avvalgidek yuqori bo‘lib qolmoqda. Shu paytgacha ikki yuzdan ortiq sanitar vafot etgan. Mintaqada Ebola bezgagidan o‘lganlarning umumiy soni 3439 taga yetdi.
Izoh (0)