Швейцариянинг Цюрих шаҳридаги ҳайвонот боғида яшовчи филлар оиласи ҳақидаги видеолавҳа интернет тармоғида машҳур бўлиб кетди, деб ёзади Metro. Унда йиқилиб тушиб, оёғи осмонда бўлиб қолган бир ярим ойлик филчага оила аъзолари ёрдамга шошилгани акс этган. Икки ой аввал эълон қилинган видеони бугунги кунгача 3,3 миллион марта томоша қилишган.
Мустақил юришга энди-энди ўрганаётган филча чуқурликдан чиқа олмай, чалқанчасига йиқилиб тушади. Иккита катта фил унинг овозини эшитиши билан бир зумда ёрдамга етиб келади. Филчани ўнглаб қўйгач, оила аъзолари уни узоқ вақт бағирларидан чиқармай туришади.
YouTube фойдаланувчилари лавҳани кўриб, ҳайратдан ёқа ушламоқда. «Қойил, улар филча хавф остида эмаслигини кўриб турса ҳам, унинг ёнига югуриб келишди. Бу инсонларга хос хусусият», — деб ёзади улардан бири.
Изоҳ (0)