KXDR yetakchisi Kim Chen Inda “salomatligi bilan bog‘liq hech qanday muammo yo‘q”. Bu haqda Koreya Respublikasi birlashuv vaziri bayonotiga tayanib “TASS” xabar berdi.
“Men Shimoliy Koreya yetakchisining sog‘lig‘i haqida so‘rab ko‘rdim, menga bu borada hech qanday muammo yo‘qligini aytishdi”, — dedi birlashuv vaziri Ryu Gil Chje Incheonda KXDR hukumati delegatsiyasi bilan uchrashuvdan so‘ng.
Avvalroq Kim Chen In sentabr oyida og‘ir operatsiyani boshidan kechirgani haqida xabar berilgan edi.
25-sentabr kuni 3 haftadan buyon ommaga ko‘rinmagan Kim Chen In KXDR oliy xalq kengashining navbatdagi sessiyasida qatnashmagani xabar qilingan edi. Shu kuni KXDR televideniyesida Kim Chen Inning oqsoqlanayotgani ko‘rsatilgan bo‘lib, yetakchining sog‘lig‘i joyida emasligi ham aytilgan.
Izoh (0)