Saudiya Arabistoni g‘arbidagi Jidda shahri portida bojxona xodimlari tomonidan to‘rt ming shisha viski musodara qilindi. Korrespondent.net France 24 telekanaliga tayanib xabar berishicha, ularni olma sirkasi sifatida olib o‘tishmoqchi bo‘lgan.
Port bojxona xizmati vakilining aytishicha, noqonuniy yuk ortilgan konteyner kelishi haqidagi ma’lumot ularga qo‘shni davlatdan kelib tushgan.
Dunyodagi eng konservativ mamlakatlardan biri bo‘lgan Saudiya Arabistonida spirtli ichimliklar savdosi qat’iy taqiqlangan. Biroq bu kontrabandachilarni mamlakatga alkogol keltirishga urinishdan to‘xtatib qolmaydi, ularning narxi mahalliy “qora” bozorda juda yuqoridir.
Izoh (0)