Norvegiyaning TV2 telekanali boshlovchisi Eli Kari Gyengedal efirda ketma-ket 33 soat bo‘lib, jahon rekordini yangiladi. Butun shu vaqt ichida u tomoshabinlarga ob-havo ma’lumotini taqdim etdi, deya xabar bermoqda The Local. Bundan avvalgi rekord 24 soatni tashkil etgan.
“Bu odatda ekranda ikki yarim daqiqa bilan cheklanadigan sinoptik uchun haqiqiy orzudir”, — dedi jurnalist o‘z “telemarafon”i boshlanishidan oldin.
Gyengedal ko‘rsatuvni Oslodagi Domkirkeplassen maydonida joylashgan oynali budkadan iborat studiyada olib bordi. Jahon rekordini ro‘yxatga olish shartlariga muvofiq, efirdagi har 60 daqiqadan so‘ng jurnalistga besh daqiqalik tanaffus berildi.
Izoh (0)