Kecha, 21-sentabr kuni Moskvada Ukrainani qo‘llab-quvvatlash va Rossiya tajovuziga qarshi chiqish uchun Tinchlik marshi bo‘lib o‘tdi, deya xabar bermoqda Segodnya.ua.
Namoyish ishtirokchilarining aniq soni e’lon qilinmadi. Rossiya politsiyasi ularni uch ming kishi deb hisoblagan bo‘lsa, namoyishchilarning o‘zlari ijtimoiy tamoqlarda 80 ming ishtirokchi haqida yozmoqda.
Namoyish “Ukrainaga shon-sharaflar! Qahramonlarga shon-sharaflar!”, “Millatga shon-sharaflar! Dushmanlarga o‘lim!”, “Yo‘qolsin jinoyatchilar!”, “Urushga yo‘l qo‘ymaymiz!” shiorlari ostida o‘tdi.
Ko‘plab kishilar Tinchlik marshiga oilaviy bo‘lib, hattoki yosh bolalari bilan kelishdan cho‘chimadi. Ko‘pchilik ko‘k va sariq sharlar ko‘tarib, shunday rangdagi kiyimlarni kiygan edi.
Ukraina tashqi ishlar vaziri Pavel Klimkin Twitter orqali Tinchlik marshiga chiqqan rossiyaliklarga minnatdorchilik izhor etdi.
“Tinchlik marshida ishtirok etgan rossiyaliklarga — rahmat. Bizda aytadilarki, har bir kishi okeandagi tomchidir. Biz birgalikda tinchlikni qaytaramiz”, — deb yozdi Klimkin.
Tinchlik marshi Peterburg, Kiyev, Odessa va boshqa shaharlarda ham o‘tkazildi.
Izoh (0)