Кеча, 21 сентябрь куни Москвада Украинани қўллаб-қувватлаш ва Россия тажовузига қарши чиқиш учун Тинчлик марши бўлиб ўтди, дея хабар бермоқда Segodnya.ua.
Намойиш иштирокчиларининг аниқ сони эълон қилинмади. Россия полицияси уларни уч минг киши деб ҳисоблаган бўлса, намойишчиларнинг ўзлари ижтимоий тамоқларда 80 минг иштирокчи ҳақида ёзмоқда.
Намойиш «Украинага шон-шарафлар! Қаҳрамонларга шон-шарафлар!», «Миллатга шон-шарафлар! Душманларга ўлим!», «Йўқолсин жиноятчилар!», «Урушга йўл қўймаймиз!» шиорлари остида ўтди.
Кўплаб кишилар Тинчлик маршига оилавий бўлиб, ҳаттоки ёш болалари билан келишдан чўчимади. Кўпчилик кўк ва сариқ шарлар кўтариб, шундай рангдаги кийимларни кийган эди.
Украина ташқи ишлар вазири Павел Климкин Twitter орқали Тинчлик маршига чиққан россияликларга миннатдорчилик изҳор этди.
«Тинчлик маршида иштирок этган россияликларга — раҳмат. Бизда айтадиларки, ҳар бир киши океандаги томчидир. Биз биргаликда тинчликни қайтарамиз», — деб ёзди Климкин.
Тинчлик марши Петербург, Киев, Одесса ва бошқа шаҳарларда ҳам ўтказилди.
Изоҳ (0)