NATO bosh kotibi Anders Fog Rasmussen Ukraina o‘z harbiy-siyosiy statusi bo‘yicha qaror qabul qilishga haqli ekanini aytdi. Bu haqda “Segodnya” xabar bermoqda.
“Biz xavfsizlik siyosati va ittifoqdoshlar tanlovi bo‘yicha Ukraina qarorlarini to‘liq hurmat qilamiz”, — dedi u Ukraina hukumatining parlamentga Yevroatlantik integratsiyada davom etish to‘g‘risidagi qonun loyihasini taqdim etish haqidagi qarorini izohlar ekan.
“Men Ukrainadagi siyosiy bahslarga aralashmoqchi emasman, biroq shuni eslatib qo‘yishim joizki, 2008-yilda Buxarestda bo‘lgan sammit qaroriga ko‘ra, Ukraina o‘zi istasa va mezonlarga javob bersa, NATO a’zosiga aylanadi”, — deya qo‘shimcha qildi Alyans bosh kotibi.
Rasmussen ayni paytda Ukraina qonunchiligi NATOga a’zo bo‘lishni mo‘ljallamayotganligini eslatdi. “Biz buni hurmat qilamiz. Biz Ukraina parlamentining buni o‘zgartirish haqidagi qarorini ham to‘liq hurmat qilamiz”, — ta’kidladi u.
Nashrning eslatishicha, bosh vazir Arseniy Yatsenyuk Ukrana Vazirlar Mahkamasi parlamentga mamlakatning “blokdan tashqari” statusini bekor qilish haqidagi qonun loyihasini ko‘rib chiqish uchun taqdim etishini aytgan edi.
Izoh (0)