Rossiya prezidenti faoliyatini ma’qullash reytingi yil boshidan buyon birinchi marta tushib ketdi. Bu haqda Levada markazi (Yuriy Levadaning tahlil markazi) ma’lumotlari guvohlik bermoqda.
22—25-avgust kunlari o‘tkazilgan tadqiqot natijalariga ko‘ra, rossiyaliklarning 84 foizi davlat rahbari faoliyatini ma’qullaydi. 1—4-avgustdagi so‘rov yakunlariga nisbatan prezidentni qo‘llab-quvvatlash ko‘rsatkichi 3 foizga kamaydi. Shu bilan birga, Putinning harakatlaridan norozilar soni 2 foizga oshib, 15 foizga yetgan.
Bundan tashqari, avgustda rossiyaliklarning “mamlakatdagi ishlar to‘g‘ri yo‘nalishda ketayotganligi”ga nisbatan ishonchlari kamaygan. Endi so‘rov ishtirokchilarining 64 foizi (oy boshida — 66 foizi) shunday fikr bildirgan. Buning aksiga ishongan rossiyaliklar soni esa 19 foizdan 22 foizgacha ko‘paydi.
Yangi so‘rovda Rossiyaning 46 mintaqasida yashovchi 18 yoshdan oshgan 1600 kishi qatnashdi.
Putinning reytingi 2014-yil boshidan buyon keskin ko‘tarilib ketgan edi. Levada markazi ma’lumotlariga ko‘ra, yanvar oyida uni fuqarolarning 65 foizi qo‘llab-quvvatlagan.
Izoh (0)