Kuzbass (G‘arbiy Sibirdagi Kuznetsk ko‘mir havzasi)dagi “Chernigovets” ochiq konida dunyodagi eng katta karyer ag‘darma mashinasi (samosval) sinovdan o‘tkazildi. Ushbu BelAZ-75710 450 tonna yuk ko‘tarish quvvatiga ega. U hozircha bunday xususiyatga ega dunyodagi yagona mashinadir, deya xabar bermoqda “Rossiyskaya gazeta”.
BelAZ sayyoramizdagi eng katta samosval sifatida Ginnesning Rekordlar kitobiga kiritilgan. 75710 modeli paydo bo‘lgunga qadar, 363 tonnani ko‘tarishga qodir Liebherr-T282B dunyoda eng katta samosval bo‘lgan.
450 tonnalik ag‘darma mashinaning balandligi 8 metr, kengligi 10 metr, uzunligi 20 metrga teng. Mashinaning o‘zi 360 tonna vaznga ega. Bunday samosvalning bittasi yetti vagon ko‘mirni orta oladi.
Izoh (0)