Кузбасс (Ғарбий Сибирдаги Кузнецк кўмир ҳавзаси)даги «Черниговец» очиқ конида дунёдаги энг катта карьер ағдарма машинаси (самосвал) синовдан ўтказилди. Ушбу БелАЗ-75710 450 тонна юк кўтариш қувватига эга. У ҳозирча бундай хусусиятга эга дунёдаги ягона машинадир, дея хабар бермоқда «Российская газета».
БелАЗ сайёрамиздаги энг катта самосвал сифатида Гиннеснинг Рекордлар китобига киритилган. 75710 модели пайдо бўлгунга қадар, 363 тоннани кўтаришга қодир Liebherr-T282B дунёда энг катта самосвал бўлган.
450 тонналик ағдарма машинанинг баландлиги 8 метр, кенглиги 10 метр, узунлиги 20 метрга тенг. Машинанинг ўзи 360 тонна вазнга эга. Бундай самосвалнинг биттаси етти вагон кўмирни орта олади.
Изоҳ (0)