Ukraina sharqida aksilterrorchilik operatsiyasi kuchlari va qurollangan ayirmachilar o‘rtasida janglar davom etmoqda. 21-avgust, payshanba kuni Ukrainaning SU-24 M hujumchi samolyoti Lugansk yaqinida ayirmachilar tomonidan otib tushirilgani ma’lum bo‘ldi. Ikkala uchuvchi ham katapulta vositasida irg‘ib chiqib, parashyutda sakrashga muvaffaq bo‘lgan. Bu haqda Euronews xabar bermoqda.
Shuningdek, Ukraina Milliy xavfsizlik va mudofaa xizmati spikeri Andrey Lisenko Ukraina harbiylari tomonidan Pskov havo-desant diviziyasining ikkita BMD2 jangovar mashinasi qo‘lga olinganini xabar qildi. “Mashinalardan birida haydovchilik guvohnomasidan tortib, harbiy hujjatlargacha bo‘lgan hujjatlar to‘liq to‘plami topildi. Buyumlar va mashina Pskov diviziyasining Birinchi parashyut-desant rotasi 74268 harbiy qismi nomiga rasmiylashtirilgan”, — dedi Andrey Lisenko.
Rossiya Mudofaa vazirligi esa bunday jangovar mashinaning qo‘lga olingani haqidagi ma’lumotni rad etdi. Vazirlik rasmiy vakili Igor Konashenkov BMD2’ning sobiq Ittifoq davridan buyon Ukrainada iste’molda bo‘lganini, topilgan hujjat shakllari esa Rossiya armiyasida qo‘llanilmayotganiga besh yil bo‘lganini ta’kidladi.
Izoh (0)