Amerikalik Vashington va Nyu-Jersida to‘rt kishini o‘ldirganini tan oldi hamda jinoyatni AQShning Yaqin Sharqdagi siyosati tufayli o‘ch olish maqsadida amalga oshirganini aytdi. Bu haqda Los Angeles Times sud hujjatlariga tayanib xabar berdi.
Vashington shtati King okrugi prokuraturasi ma’lumotlariga ko‘ra, Sietlda yashovchi Ali Muhammad Braun to‘rtta qotillikni o‘z bo‘yniga olgan. Xabar berilishicha, Vashington shtatida uch kishi, Nyu-Jersida bir kishi uning qurboniga aylangan.
Braun qotilliklarni Suriya, Afg‘oniston va Iroqda halok bo‘lganlar uchun qasos olish maqsadida amalga oshirganligini aytdi. “Mening vazifam — har kuni yo‘qotilayotgan millionlab kishilar hayoti uchun o‘ch olish. Bu hayotlarning barchasini har kuni Amerika va uning hukumati tortib olmoqda”, — dedi u.
Braun o‘z “vazifa”sini 27-aprelda boshlagan. 18-iyul kuni hibsga olinishidan avval u bir qancha o‘g‘riliklarni ham amalga oshirib ulgurgan. Braun o‘lim jazosiga hukm qilinishi taxmin etilmoqda.
Izoh (0)