Rossiya prezidenti Vladimir Putin Sochida MDH bo‘yicha hamkasblari bilan uchrashuvlar o‘tkazmoqda. 11-avgust kuni u Qirg‘iziston rahbari Almazbek Atambayev bilan uchrashdi, deya xabar berdi “Rossiyskaya gazeta”.
Muzokaralarda avvalambor, ushbu mamlakatni Yevrosiyo integratsion loyihasiga kiritish haqida gap ketdi, bu yil oxirigacha yuz berishi mumkin.
“Bizni bu yo‘lda qiyinchiliklar kutishi tayin, biroq bunga qat’iy kirishsak, ko‘pgina masalalar tez hal bo‘lishi mumkin, — dedi Qirg‘iziston prezidenti. — Albatta yil oxirigacha Bojxona ittifoqi, Yevrosiyo iqtisodiy ittifoqi tarkibiga kirishni xohlardik”.
Putin va Atambayev bu yil to‘rtinchi marotaba uchrashmoqda. Rossiya Qirg‘izistonning asosiy savdo-iqtisodiy sherigidir. 2013-yilda ikki tomonlama tovar aylanmasi 2012-yilga nisbatan 17 foizga oshib, 2,14 milliard dollarni tashkil etdi.
Izoh (0)