Россия президенти Владимир Путин Сочида МДҲ бўйича ҳамкасблари билан учрашувлар ўтказмоқда. 11 август куни у Қирғизистон раҳбари Алмазбек Атамбаев билан учрашди, дея хабар берди «Российская газета».
Музокараларда авваламбор, ушбу мамлакатни Евросиё интеграцион лойиҳасига киритиш ҳақида гап кетди, бу йил охиригача юз бериши мумкин.
«Бизни бу йўлда қийинчиликлар кутиши тайин, бироқ бунга қатъий киришсак, кўпгина масалалар тез ҳал бўлиши мумкин, — деди Қирғизистон президенти. — Албатта йил охиригача Божхона иттифоқи, Евросиё иқтисодий иттифоқи таркибига киришни хоҳлардик».
Путин ва Атамбаев бу йил тўртинчи маротаба учрашмоқда. Россия Қирғизистоннинг асосий савдо-иқтисодий шеригидир. 2013 йилда икки томонлама товар айланмаси 2012 йилга нисбатан 17 фоизга ошиб, 2,14 миллиард долларни ташкил этди.
Изоҳ (0)