Janubiy Koreya KXDRga xalqaro institutlar orqali 13 million dollar miqdorida gumanitar yordam beradi. Bu haqda Koreya birlashuv vazirligiga tayanib, “RIA Novosti” xabar berdi.
Mablag‘ning 7 millioni Koreyalararo hamkorlik jamg‘armasi davlat fondidan ajratiladi hamda yangi tug‘ilgan chaqaloqlar va emizikli onalarni ta’minlovchi xizmatlarga oziq-ovqat sotib olish uchun yo‘naltiriladi. Gumanitar yordamning qolgan qismi KXDRga Butunjahon sog‘liqni saqlash tashkiloti orqali yetkaziladi.
15-iyul kuni Janubiy Koreya birlashuv vazirligi mamlakatning to‘rt yil ichida birinchi marta KXDRga gumanitar ko‘mak yuborish qarori haqida e’lon qilgan edi. Pxenyanga yordam berish 2010-yilda, Janubiy Koreya uni “Chxonan” kemasi halokatida ayblab, iqtisodiy sanksiyalar kiritganidan so‘ng to‘xtatilgan edi.
Izoh (0)