“O‘zbektelekom” o‘z ma’lumotlar bazasiga xakerlik hujumi amalga oshirilgani haqidagi xabarni rad etdi. Tegishli xabar kompaniya saytiga joylashtirildi.
Avvalroq internet-nashrlar “O‘zbektelekom” aksiyadorlik kompaniyasi ma’lumotlar bazasiga O‘zbekiston fuqarosi Sergey Klimov noqonuniy ravishda kirib, “2008-yil uchun Toshkent shahridagi abonentlar ma’lumotnomasi” maxsus dasturini yuklab olgani haqida xabarlar tarqatgan edi.
“O‘zbektelekom” matbuot xizmati ushbu axborotning haqiqatga to‘g‘ri kelmasligini, S. Klimov kompaniya ma’lumotlar bazasiga kirmaganini ta’kidladi. Aniqlik kiritilishicha, u 2002—2003-yillar uchun Toshkent shahridagi abonentlar telefon raqamlaridan iborat noqonuniy CD-diskni Toshkentdagi bozorlardan birida sotib olgan. Undagi ma’lumotlarni esa o‘z saytida e’lon qilgan.
Izoh (0)