O‘zbekiston hukumati 1992-yildagi O‘zbek respublika 12 foizli ichki yutuqli zayomi obligatsiyalari bo‘yicha indeksatsiya koeffitsiyentini belgiladi. Bu haqda O‘zbekiston Respublikasi Vazirlar Mahkamasining 2014-yil 31-iyuldagi tegishli qarorida aytiladi, deb yozadi UzDaily.
Hujjatda aytilishicha, 1994-yil iyulidan 2014-yil iyuligacha eng kam oylik ish haqi 1 373 marta oshganini hisobga olib, zayom obligatsiyalariga 1,373 (1 rubl : 1,373 so‘m) miqdorida indeksatsiya koeffitsiyenti belgilandi.
Eslatib o‘tamiz, 2014-yilning 1-aprelidan 1-iyuligacha O‘zbekiston Respublikasi Xalq bankining mas’ul bo‘linmalari aholidan zayom obligatsiyalarini qabul qilib oldi.
Pul mablag‘larini indeksatsiyani hisobga olgan holda 1-avgustdan 30-noyabrgacha to‘lab berish rejalashtirilgan.
Izoh (0)