O‘zbekiston Respublikasi Prezidentining “O‘zbekiston Respublikasi Fanlar akademiyasi tuzilmasini takomillashtirish hamda respublika akademik fan va oliy ta’lim integratsiyasini mustahkamlash choralari to‘g‘risida”gi qarori doirasida qator ishlar amalga oshirilmoqda. Bu haqda Uzbekistan Today xabar berdi.
Tugatiladigan Sharqshunoslik instituti bazasida Toshkent davlat sharqshunoslik instituti qoshida Abu Rayhon Beruniy nomidagi Sharq qo‘lyozmalari markazi ochiladi. U qadimiy Sharq qo‘lyozmalari va tarixiy hujjatlarni asrash, tizimlashtirish va qayta tiklash hamda O‘zbekistonda saqlanayotgan noyob qo‘lyozmalar elektron bazasini yaratish bilan shug‘ullanadi.
Fanlar akademiyasining yana bir instituti — Polimerlar kimyosi va fizikasi instituti tugatilib, uning tadqiqotlarini O‘zbekiston milliy universiteti qoshidagi Polimerlar kimyosi va fizikasi ilmiy-tadqiqot instituti davom ettiradi.
Shuningdek, Mexanika va zilzilabardoshlik instituti o‘rniga Toshkent davlat texnika universiteti qoshida Tarmoq mashinasozligi bo‘yicha ilmiy-tadqiqot markazi hamda Fanlar akademiyasi Zilzilabardoshlik instituti ochiladi.
Izoh (0)