Turkmanistondagi mansabdorlar prezident Gurbanguli Berdimuhamedovga murojaat qilib, Ashxobodning eng chiroyli burchaklaridan biriga uning haykalini o‘rnatishni so‘rashdi. Bu haqda Turkmaniston televideniyesiga asoslanib, “Noviy vek” xabar berdi.
Ashxobodni rivojlantirishga bag‘ishlangan hukumat majlisida bosh vazir o‘rinbosari, Turkmaniston Tashqi ishlar vaziri Rashid Meredov poytaxtdagi ko‘rkam va ko‘zga ko‘rinarli joyga davlat rahbarining haykalini o‘rnatishni taklif qildi. U dunyo jamoatchiligi tan olgan, mamlakatda erishilgan taraqqiyot darajasi va milliy iqtisodiyotdagi muvaffaqiyatlar Gurbanguli Berdimuhamedov nomi bilan bog‘liqligini ta’kidladi.
Uning so‘rovini Turkmaniston Demokratik partiyasi Markaziy qo‘mitasi kotibi Qosimguli Boboyev ham qo‘llab-quvvatladi.
Ularga javoban, prezident bu borada xalq bilan maslahatlashish va xalq irodasiga bo‘ysunish kerakligini ta’kidladi.
Turkmaniston televideniyesi xabarida haykal Ashxobodning qaysi qismida va qancha muddat ichida qurilishi haqida aytilmadi.
Izoh (0)