Tojikistonda yaqinda yopib qo‘yilgan “Odnoklassniki” o‘rniga yangi mahalliy ijtimoiy tarmoq — vipnet.tj ishlashni boshladi. Bu haqda o‘zini yangi sayt yaratuvchi deb tanishtirgan G‘anijon Salomzoda xabar berdi, deb yozadi Interfax.
Uning so‘zlariga ko‘ra, yangi tarmoq boshqalaridan ekstremistik materiallar va qo‘pol jumlalar ishlatish taqiqlangani bilan ajralib turadi. “Bir foydalanuvchi tomonidan ikkinchisiga yuborilgan bunday so‘zlar o‘z egasiga yetib bormaydi”, — dedi Salomzoda.
Saytda “Tojikiston Respublikasi asoslariga zid bo‘lgan” ma’lumotlar, “islom dini qonunchiligini buzuvchi” mazmundagi foto va videolar, shuningdek mualliflik huquqiga zid axborotlarni yuklab qilish man qilingan.
Ekspertlar fikricha, Tojikistondagi eng ommabop bo‘lgan va respublikadagi internet foydalanuvchilarining uchdan bir qismi — 400 mingga yaqin kishi foydalanadigan “Odnoklassniki” tarmog‘ining yopilishiga Suriyada hukumatga qarshi kuchlar orasida jang qilayotgan tojikistonliklar tomonidan videolar joylangani sabab bo‘lgan. Ushbu roliklarda ular tojikistonliklarni Suriyaga kelib, “jihod”da qatnashishga chaqirgan.
Bundan tashqari, joriy yil boshida Dushanbeda maktab o‘quvchilarining “Odnoklassniki”da gap talashib qolishi natijasida 16 yoshli o‘spirin o‘ldirilgan edi.
Izoh (0)