Rossiya prezidentining qizi Mariya Putina o‘z eri — Rossiya konsalting firmasida katta lavozimda ishlaydigan Yorrit Faassen bilan Niderlandiyada istiqomat qilishi ma’lum bo‘lgach, niderlandiyaliklar uning deportatsiya qilinishini talab eta boshladi. Bu haqda Daily Mail xabar berdi.
23-iyul kuni “aksilputinchi” faollar Twitter’ga Putinning qizi manzilini joylab, xalqni uning uyi tashqarisida namoyish uyushtirishga chaqirdi.
Ukrainadagi “Boing” aviahalokatida qurbon bo‘lganlarning oila a’zolari Putindan norozi ekanini aytib, halok bo‘lganlarning jasadlarini so‘nggi bir necha kun davomida qo‘riqlash uchun o‘z qo‘shinlarini yubormaganini qoraladi. Biroq ular bunga uning qizi aloqador emasligini ta’kidladi.
Niderlandiyaning Xilversum shahri meri esa radioga bergan intervyusida Mariya Putinani mamlakatdan deportatsiya qilish talabi bilan chiqdi.
Keyinroq u o‘zining “noma’qul” gaplari uchun uzr so‘radi.
28 yoshli Mariya Putina 2009-yilda hozir 34 yoshda bo‘lgan Faassenga turmushga chiqqan. Biroq bu haqda rasmiy ma’lumotlar yo‘q.
Izoh (0)