Qurollangan rossiyaparast ayirmachilar payshanba kuni kechqurun Ukraina sharqida qulab tushgan Malayziya laynerining 300 ga yaqin yo‘lovchilari halokati bo‘yicha tadqiqot ishlari olib borishda Yevropada xavfsizlik va hamkorlik tashkiloti xavfsizligini ta’minlashga va’da berdi. Bu haqda Reuters xabar bermoqda.
Juma kuni ertalab olingan xabarlarga ko‘ra, bir nechta qurollangan ayirmachilar blokpost yasab, “xalqaro komissiya”ni kutmoqda.
YeXHT xabar berishicha, Ukraina, Rossiya va YeXHTning obro‘li vakillari Donetskdagi ayirmachilar bilan videomuloqot orqali gaplashgan va ulardan tergovga yordam berish va’dasini olgan.
“Ular avvalambor halokat joyiga hech kimni qo‘ymaydi va mahalliy hukumatga murdalar qoldiqlarini yig‘ib olishiga ruxsat beradi”, — deyiladi YeXHT bayonotida.
Bundan tashqari, ayirmachilar o‘z nazorati ostidagi hududda xalqaro vakillardan iborat tergov komissiyasi xavfsizligini kafolatlaydi.
Xabarda aytilishicha, jangarilar tergov chog‘ida yuzaga keladigan “har qanday masalalar” bo‘yicha Ukraina hukumati bilan hamkorlik qiladi.
Izoh (0)