Қуролланган россияпараст айирмачилар пайшанба куни кечқурун Украина шарқида қулаб тушган Малайзия лайнерининг 300 га яқин йўловчилари ҳалокати бўйича тадқиқот ишлари олиб боришда Европада хавфсизлик ва ҳамкорлик ташкилоти хавфсизлигини таъминлашга ваъда берди. Бу ҳақда Reuters хабар бермоқда.

Жума куни эрталаб олинган хабарларга кўра, бир нечта қуролланган айирмачилар блокпост ясаб, «халқаро комиссия»ни кутмоқда.

ЕХҲТ хабар беришича, Украина, Россия ва ЕХҲТнинг обрўли вакиллари Донецкдаги айирмачилар билан видеомулоқот орқали гаплашган ва улардан терговга ёрдам бериш ваъдасини олган.

«Улар авваламбор ҳалокат жойига ҳеч кимни қўймайди ва маҳаллий ҳукуматга мурдалар қолдиқларини йиғиб олишига рухсат беради», — дейилади ЕХҲТ баёнотида.

Бундан ташқари, айирмачилар ўз назорати остидаги ҳудудда халқаро вакиллардан иборат тергов комиссияси хавфсизлигини кафолатлайди.

Хабарда айтилишича, жангарилар тергов чоғида юзага келадиган «ҳар қандай масалалар» бўйича Украина ҳукумати билан ҳамкорлик қилади.