Buyuk Britaniyalik ayol Google orqali o‘zida saraton xastaligi borligini aniqladi

Buyuk Britaniya fuqarosi Google qidiruv tizimi orqali o‘zida onkologik xastalik borligini aniqladi. Bu haqda Mirror nashri xabar berdi.

Nottingem grafligidagi kichik shaharchada yashovchi 46 yoshli sartarosh Kerolayn Grivz bo‘ynida paydo bo‘lgan shishlar va og‘iz bo‘shlig‘idagi yaralardan uzoq vaqt davomida aziyat chekib yuradi. Shifokor bu oddiy infeksiya ekanini aytib, antibiotik yozib beradi.

Biroq dori kor qilavermagach, Kerolayn internet orqali davolash usullarini topishga qaror qiladi. Kasalligi belgilarini Google qidiruv tizimiga kiritganida, ayol o‘zidagi simptomlar saraton xastaligidan darak berishini aniqlaydi.

Grivz xonim mahalliy klinikadan oblast shifoxonasiga yo‘llanma berishni so‘raydi. U yerdagilar ayolga bodom bezi saratoni tashxisini qo‘yadi.

Uzoq vaqt davom etgan radio va kimyo terapiyasidan so‘ng ayni paytda Kerolayn remissiya (kasallik alomatlarining vaqtincha zaiflashuvi) holatiga o‘tgan. Shifokorlarning aytishicha, ularning bemori sog‘ayib ketish ehtimoli yuqori.

“Google — ajoyib narsa, — dedi Kerolayn Grivz. — U to‘g‘ri ma’noda hayotimni saqlab qoldi. Men u orqali kasalligim haqidagi maqolani topib olmaganimda, hozir tirik bo‘lishim amri mahol edi”.