Britaniyalik er-xotinlar Ukrainadagi aviahalokatda nobud bo‘lishdan tasodifan qutulib qolishdi

Shotlandiyalik juftlik 17-iyul kuni Ukraina sharqida halokatga uchragan samolyotga o‘tirmay, omon qolishdi, deya xabar berdi The Telegraph nashri.

Ma’lum bo‘lishicha, Malaysia Airlines aviakompaniyasining Amsterdamdan Kuala-Lumpurga yo‘l olgan “Boing-777” laynerida Barri va Izzi Sim hamda ularning farzandi uchun joy yetmay qolgan. Shundan so‘ng ular KLM aviakompaniyasining boshqa reysiga chiqishgan.

Bunday omadli tasodif tufayli tirik qolishganiga er-xotinlar shukr qilmoqda.

Eslatib o‘tamiz, “Boing-777” Toshkent vaqti bilan payshanba kuni 20:00 da Donetsk viloyati hududida halokatga uchradi. So‘nggi ma’lumotlarga ko‘ra, samolyot qulashi natijasida 298 kishi halok bo‘lgan.