Sankt-Peterburgdagi “Pulkovo” aeroportida O‘zbekistonlik yo‘lovchilardan mevalar olib qo‘yildi va yoqib yuborildi. Bu haqda “Peterburgskiy dnevnik” nashri xabar berdi.
“Pulkovo” xalqaro aeroportida O‘zbekistondan yetib kelgan yo‘lovchilarning bagajlari va qo‘l yuklari tekshirilganida 6 kilogramm olma, 12 kilogramm qovun va 3 kilogramm quruq mevalar aniqlangan va musodara qilingan.
Rossiya Federatsiyasi uchun karantin bo‘lgan obyektlar mamlakat hududiga kirishi va u yerda tarqalib ketishiga yo‘l qo‘ymaslik uchun mahsulotlar yo‘q qilingan.
Nashrning eslatishicha, 2012-yil 16-apreldan Rossiyada Ozarboyjon, Tojikiston va O‘zbekistondan keltiriladigan karantindagi mahsulotlarni olib kirishga vaqtinchalik cheklov joriy qilingan.
Izoh (0)