NATOga a’zo mamlakatlar mudofaa vazirlari Bryusselda Qrim Rossiyaga qo‘shilganidan keyin birinchi marta uchrashishdi. Bu haqda Euronews xabar berdi.
Seshanba va chorshanba kunlari bo‘lib o‘tgan muzokaralar chog‘ida Ukrainadagi tanglik bo‘yicha strategiya,Yevropa sharqidagi ittifoqdoshlarni kuchaytirish tadbirlari muhokama qilindi.
Ukraina mudofaa vaziri vazifasini bajaruvchi Mixail Koval Ukraina davlati va qurolli kuchlariga ko‘rsatgan yordamlari uchun vazirlarga minnatdorchilik bildirdi.
Vazirlar NATOning Yevropadagi mudofaa imkoniyatlarini sifatli darajada kuchaytirish, bunda Rossiya bilan bitim buzilishiga yo‘l qo‘ymaslikni muhokama qilmoqda. Ularning aytishicha, Rossiyaning o‘zi Qrimni zabt etish bilan ushbu shartnomani buzgan. Mintaqadagi harbiy kuchlarni ko‘paytirish masalasini esa alyansning 28 davlati yetakchilari sentabrda Uelsda bo‘lib o‘tadigan sammitda ko‘rib chiqadi.
Izoh (0)