Rashkchi rossiyalik sobiq ma’shuqasini tobutga qamab qo‘ydi

Rossiyadagi Udmurtiya respublikasi poytaxti Ijevsk shahri fuqarosi o‘zining sobiq ma’shuqasini uch soat davomida tobutga qamab qo‘ydi. Unga nisbatan ko‘chib yurish erkinligidan mahrum etish fakti bo‘yicha jinoiy ish qo‘zg‘atildi. Bu haqda “ITAR-TASS” xabar berdi.

31-may kuni yovuz niyatdagi erkak diniy marosimlar agentligida ishlovchi sobiq ma’shuqasiga rashk tufayli pichoq, otvyortka, parma orqali tana jarohatlari yetkazgan. Bularga kifoyalanmasdan, jinoyatchi ayolga tobutga yotishni buyurgan, so‘ng uning qopqog‘ini mahkamlab qo‘ygan.

Ota-onasi, huquqni muhofaza etish organlari xodimlari bilan uzoq davom etgan muzokaralardan so‘nggina u o‘z qurbonini qo‘yib yubordi. Ayni paytda erkak hibsga olingan.