Misrda may oxirida bo‘lib o‘tgan prezidentlik saylovlarining yakuniy natijalari e’lon qilindi. Unga ko‘ra, mamlakat sobiq mudofaa vaziri Abdul Fattoh al Sisiy ovozlarning 96,91 foiziga ega bo‘lib, g‘olibga aylandi. Bu haqda Reuters xabar berdi.
Uning yagona raqibi ijtimoiy partiya vakili Hamdin Sabbahiy 3,09% ovozni qo‘lga kiritdi.
Ovoz berishda saylovchilarning 47,45 foizi qatnashdi. Shu tariqa saylov uchastkalariga 25 millionga yaqin fuqaro tashrif buyurdi.
Al Sisiy 2012-yil avgustidan 2014-yil martigacha mudofaa vaziri bo‘lib ishlagan. 2013-yil iyulidan 2014-yil martiga qadar esa mamlakat bosh vaziri o‘rinbosari sifatida faoliyat yuritgan. 2013-yil iyulida Al Sisiy davlat to‘ntarishini uyushtirdi, natijada mamlakat prezidenti Muhammad Mursiy lavozimidan ag‘darildi. Shundan so‘ng mamlakat “Musulmon birodarlar” jabr-zulmi ostida qoldi.
Izoh (0)