Lugansk yaqinidagi janglarda kamida 59 nafar ukrain harbiy xizmatchilari halok bo‘lishgan, yana o‘nlab harbiylar jarohat olib, Kiyev gospitallariga jo‘natilgan. Bu haqda Ukraina bosh prokuraturasi ma’lumotlariga tayanib Euronews xabar berdi.
Biroq Lugansk xalq respublikasi harbiy qismlaridagi jangchilar yuzlab qurbonlar haqida xabar qilmoqda. Bir-biriga zid ma’lumotlarni tekshirishning iloji yo‘q, deb yozadi nashr.
Dushanba kuni “Lugansk xalq respublikasi” jangchilari shaharning janubida joylashgan Lugansk chegara otryadi bazasiga hujum qilgan. Chegarachilarga harbiy aviatsiyadan tashqari boshqa yordam kelmagan.
Kiyev Ukraina sharqida aksilterror operatsiyalarining yangi bosqichi boshlanganini e’lon qildi.
Mahalliy aholi yerto‘lalarda jon saqlamoqda.
Izoh (0)