Abxaziya prezidenti Aleksandr Ankvab o‘zining iste’fosini talab qilayotgan mahalliy muxolifatga nisbatan kuch qo‘llashdan bosh tortdi. Bu haqda respublika Xavfsizlik kengashi kotibi Nugzar Ashuba ma’lum qildi.
Kotibning so‘zlariga ko‘ra, prezident “barcha tuzilmalardan muammoni kuch bilan hal qilish variantlarini mutlaqo istisno qilishni talab qilgan”.
Ankvab o‘z intervyularidan birida muxolifat bilan muzokaralarga kirishishga tayyorligini, biroq ularning ultimatumlarini bajarish niyatida emasligini bildirgan.
Avvalroq OAVlar Abxaziya poytaxtida “maydon” boshlanganidan so‘ng Ankvab Gudauta yaqinidagi Rossiya harbiy bazasiga kelgani va haligacha shu yerda ekani haqida xabar tarqatgan edi.
O‘z navbatida, prezident ma’muriyati va televideniye binosini egallab olgan muxolifat “xalq ishonchi muvaqqat kengashi” tuzilganini e’lon qildi. Unga prezidentlikka sobiq nomzod Raul Xajimba rahbarlik qildi. “Muvaqqat kengash” Abxaziyada ijro etuvchi hukumatga aylanishga da’vogarlik qilmoqda.
Izoh (0)