Mashhur Chanel No. 5 atiri o‘ziga xos iforini yo‘qotishi mumkin, chunki uning tarkibida allergen borligi aniqlandi. Bu haqda “ITAR-TASS” xabar berdi.
Shu tufayli Yevrokomissiya yaqin orada parfyumeriya ishlab chiqaruvchi firmalar uchun qat’iy qoidalar o‘rnatib, parfyumeriya sanoatida qo‘llash mumkin bo‘lmagan moddalarni taqiqlamoqchi.
Mutaxassislar atirda jami 12 ta allergenlarni aniqlagan. Ma’lumotlarga ko‘ra, ayni paytda Yevropa aholisining 1—3 foizi parfyumeriyalardagi toshma va shishlarni keltirib chiqaruvchi allergiyadan azob chekadi. Chanel No. 5’dan tashqari, Miss Dior atiri formulasi ham o‘zgarishi mumkin.
Mashhur atir 1921-yil 5-mayda Koko Shanel tomonidan taqdim etilgan. Parfyumer uni o‘z ismi va unga yoqqan ifor solingan idish raqami bilan nomlagan.
Izoh (0)