Jahon shaxmat federatsiyasi fevral oyi yakunlangach, o‘z reytingini yangiladi. Ushbu yangilangan jahon reytingida kuchli 100 likdan 5 nafar o‘zbekistonlik grossmeyster o‘rin oldi.
Reytingda Nodirbek Abdusattorov (2773) 6-o‘rinda qayd etildi. U avvalgi oyda ham shu o‘rinda qayd etilgan edi. Bu oyda uning reyting ochkolari 7 ochkoga (avvalgi oyda 2766) ko‘paygan.
Bundan tashqari, Javohir Sindorov 29-o‘ringa ko‘tarildi. U avvalgi oyda 31-o‘rinda edi. Sindorov reyting ochkolarini 2707 ga yetkazdi. Eng kuchli shaxmatchilar reytingidan Rustam Qosimjonov (2675) ham o‘rin olgan. Tajribali shaxmatchi 49-o‘rindan joy olgan va avvalgi reytinga nisbatan yana 3 pog‘ona pastlagan. 2670 reyting ochkosiga ega shaxmatchi avvalgi oyga nisbatan bir pog‘ona yuqoriladi. Avvalgi oyda 66-o‘rinda qayd etilgangan Shamsiddin Vohidov 51-o‘rinni egallab turibdi. Nodirbek Yakubboyev (2654) bu oyda 71-o‘ringa tushib ketdi.
Yoshlar o‘rtasidagi reytingda Javohir Sindorov kuchli uchlikdan qoldi — 2707.
Ma’lumot uchun, hozirda Chexiyaning Praga shahrida Prague Masters 2025 turniri bo‘lib o‘tmoqda. 26-fevraldan 7-martga qadar davom etadigan mazkur musobaqaning Challengers guruhida hamyurtimiz Nodirbek Yakubboyev ishtirok etmoqda. 5-tur natijalariga ko‘ra, u o‘z guruhida yetakchilik qilmoqda.
Izoh (0)