O‘zbekistonda mukofot jamg‘armasi 166 ming dollarni tashkil etgan xalqaro shaxmat musobaqasi o‘tkazilmoqda

O‘zbekistonda ilk bor jahonning ekstroklassdagi 10 nafar yetakchi shaxmatchilari o‘rtasida o‘tkazilayotgan, “UzChess Cup”—xalqaro shaxmat musobaqasi o‘tkazildi.

Musobaqaning ochilish marosimi 6-iyun kuni Yoshlar ishlari agentligining Shakespear majmuasida bo‘lib o‘tdi. Prezidentning 2023-yil 8-maydagi “2026-yil O‘zbekistonda bo‘lib o‘tadigan 46-Butunjahon Shaxmat Olimpiadasiga kompleks tayyorgarlik ko‘rish hamda shaxmatni ommaviy harakatga aylantirishga oid chora-tadbirlar to‘g‘risida”gi qarori ijrosini taʼminlash maqsadida 5-15-iyun kunlari O‘zbekistonda ilk bor jahonning ekstroklassdagi 10 nafar yetakchi shaxmatchilari o‘rtasida umumiy mukofot jamg‘armasi 166 000 AQSH dollarini tashkil etgan “UzChess Cup”—xalqaro shaxmat musobaqasi o‘tkaziladi.

Musobaqaning maqsadi mamlakatda shaxmat sportini yanada kengroq targ‘ib qilish va yoshlarni sport musobaqalariga ommaviy ravishda jalb qilish, o‘zbekistonlik shaxmatchilarning bilim va tajribalarini yanada rivojlantirish, ularni munosib rag‘batlantirish uchun zarur shart-sharoitlarni yaratish, havaskorlar va yosh shaxmatchilarning sport malakalarini oshirish.

Turnir rasmiy homiylari — Yoshlar ishlari agentligi hamda AloqaBank musobaqaning yuqori saviyada o‘tishiga o‘z hissasini qo‘shmoqda. Maʼlumot uchun, Nodirbek Abdusattorov ayni shu bankning ambassadori hisoblanadi.

Turnir uchta guruhda:

• “Masters” guruhi FIDE reytingi 2700 va undan yuqori bo‘lgan shaxmatchilar;
• “Challengers” guruhi FIDE reytingi 2600 va undan yuqori bo‘lgan shaxmatchilar;
• “Futures” guruhi FIDE reytingi 2500 va undan yuqori bo‘lgan shaxmatchilar o‘rtasida o‘tkazildi.

“Masters” guruhida g ʼolib va sovrindorlar qatoriga kira olmagan shaxmatchilar 5 ming dollar miqdorida pul mukofoti bilan taqdirlandi. “Challengers” guruhida g ʼolib va sovrindorlar qatoriga kira olmagan shaxmatchilar 2 ming dollar miqdorida pul mukofoti bilan rag‘batlantirildi.

• Turnir tashkilotchilari: Yoshlar ishlari agentligi, O‘zbekiston shaxmat federatsiyasi va Yoshlar ishlari agentligining “Uzchess” loyihasi
• Turnir bosh homiylari: Aloqabank, Uzbekistan Airways

Reklama huquqi asosida.