Nodirbek Abdusattorov mukofot jamg‘armasi 350 ming AQSH dollarini tashkil etadigan turnirda qatnashadi

Ruminiya poytaxti Buxarest shahrida Grand Chess Tour 2024 musobaqasining ikkinchi bosqichi 26-iyun sanasidan boshlanadi.

Musobaqaning sovrin jamg‘armasi 350 000 AQSH dollarini, birinchi o‘rin uchun mukofot jamg‘armasi esa 100 000 dollarni tashkil etadi.

Ushbu musobaqada jahonnning eng tajribali shaxmatchilari qatnashadi. Ular orasida FIDE reytingida 5-o‘rinda borayotgan o‘zbekistonlik Nodirbek Abdusattorov ham bor. 

Musobaqada qatnashuvchi shaxmatchilar:

• Fabiano Karuana (AQSH, 2805);
• Yan Nepomnyashiy (Rossiya, 2770);
• Nodirbek Abdusattorov (O‘zbekiston, 2766);
• Dommaraju Gukesh (Hindiston, 2763);
• Uesli So (AQSh, 2757);
• Rameshbabu Prag (2747);
• Anish Giri (Niderlandiya, 2745);
• Alirizo Feruja (Fransiya, 2737);
• Maksim Vashier-Lagrave (Fransiya, 2732);
• Bogdan-Daniel Dyak (Ruminiya, 2680).

Vaqtni nazorat qilish: har bir o‘yin uchun 120 daqiqa, har yurish uchun 30 soniya qo‘shiladi.
O‘yin kunlari: 26—30 iyun, 2—5 iyul. Dam olish kuni: 1-iyul.

Ma’lumot uchun, Nodirbek Abdusattorov Grand Chess Tour 2024 musobaqasining birinchi turida qatnashgan. Polsha poytaxti Varshava shahrida bo‘lib o‘tgan Superbet Poland 2024 musobaqasida 17.5 ochko to‘plagan Nodirbek musobaqani 6-o‘rinda yakunlagan edi. 

Mukofot jamg‘armasi 166 ming AQSH dollarini tashkil etadigan “Uzchess Cup” turnirida Nodirbek Abdusattorov ikkinchi o‘rinni qo‘lga kiritdi.