Vengriya poytaxti Budapesht shahrida 45-Butunjahon shaxmat Olimpiadasi davom etmoqda.
12-senyabr kuni 2-tur bahslari bo‘lib o‘tdi. Amaldagi chempion sanalgan O‘zbekiston yigitlar jamoasi Misrni 3.5:0.5 hisobida mag‘lubiyatga uchratdi. Qizlar jamoasi Angoladan 3:1 hisobida ustun keldi.
Ushbu turda Jahongir Vohidov o‘rniga Javohir Sindorov harakat qildi. Aynan u Misr vakili Vafa Hamid bilan durang qayd etdi. Qolgan barcha ishtirokchilar o‘z bahslarida g‘alabaga erishdi.
Qizlar jamoasida harakatlanayotgan Nilufar Yakubboyeva Angola vakiliga mag‘lub bo‘ldi. Qolgan uch shaxmatchining g‘alabasi O‘zbekiston qizlarining Angola ustidan g‘alabasini ta’minladi — 3:1.
Ma’lumot uchun, O‘zbekiston vakillari birinchi turda ham g‘alaba qozongan edi. O‘zbekiston erkaklar jamoasi Trinidad va Tobagoni (3:1) mag‘lub etgan bo‘lsa, qizlar jamoasi Gaitidan (4:0) ustun keldi.
Bugun, 13-sentyabr kuni 3-tur uchrashuvlari o‘tkaziladi. Unda O‘zbekiston erkaklar terma jamoasi xorvatiyalik shaxmatchilarga qarshi bahs olib boradi. Qizlar jamoasi mezbon Vengriya terma jamoasiga qarshi dona suradi.
Izoh (0)