4-iyundan boshlab AQSHdan po‘lat va alyuminiy importiga 50 foizga oshirilgan bojxona to‘lovlari kuchga kiradi.
Bu haqda AQSH prezidenti Donald Tramp Truth ijtimoiy tarmog‘ida ma’lum qilgan.
Avvalroq Tramp Pensilvaniyada nutq so‘zlab, po‘lat importiga bojxona to‘lovlarini 25 foizdan 50 foizga oshirishni ma’lum qilgan edi. Unga ko‘ra, bojlarning oshishi mamlakatga alyuminiy importiga ham taʼsir qiladi. Trampning so‘zlariga ko‘ra, AQSH maʼmuriyati “4-iyun, chorshanba kunidan boshlab po‘lat va alyuminiyga boj to‘lovlarini 25 foizdan 50 foizga oshirmoqda”.
28-may kuni AQSH Federal Savdo bo‘yicha sudi Amerika rahbarining prezidentlik vakolatlarini suiiste'mol qilganini bahona qilib, uning import bojlari joriy etish to‘g‘risidagi qarorini amalga oshirishni blokladi. Biroq ertasi kuni AQSH Apellyatsiya sudi bojxona to‘lovlarini bloklash haqidagi qarorni to‘xtatib qo‘ydi.
Oq uy matbuot kotibi Kerolin Levitt brifingda taʼkidlaganidek, AQSH maʼmuriyati bu ishni Oliy sudga topshirish niyatida.
Izoh (0)