NATO Germaniyadan 40 ming askar so‘radi — Reuters

NATO alyans mudofaasi uchun Germaniyadan yettita brigada, taxminan 40 ming askar taqdim etishni so‘radi. Bu haqda Reuters xabar berdi.

Bu yangi qurol-yarog‘ va askarlar soniga qo‘yilayotgan talablar doirasiga kiradi. Buni NATOga a’zo davlatlar mudofaa vazirlari kelasi hafta tasdiqlashi kutilmoqda. Alyans o‘zining harbiy salohiyati bo‘yicha rejalarini kengaytirmoqda. Sababi 2022-yilda Ukrainada urush boshlanganidan beri Rossiyaga katta tahdid sifatida qaralmoqda. 

NATO davlatlari kelajakda umumiy brigadalar sonini 120–130 taga oshirmoqchi. Hozirda brigadalar soni 80 tani tashkil etadi.

Berlin Mudofaa vazirligiga ko‘ra, kelasi hafta iyun oxirida bo‘ladigan sammitda NATO yetakchilari qanday qaror qabul qilishi noma’lum. NATO vakili harbiy rejani ambitsiyali deb atab hech qanday ma’lumotni ochiqlamagan.

“Ular bizning yangi mudofaa rejalarimizga asoslangan bo‘lib, tahdidlarning oldini olish va himoya uchun zarur bo‘lgan kuch va resurslarga tayanadi”, dedi NATO rasmiyi.

2021-yilda Germaniya 2030-yilgacha NATO uchun 10 ta brigada taqdim etishga rozi bo‘lgan edi. Hozirda Germaniyada 8 ta brigada mavjud bo‘lib, 9-brigada Litvada shakllantirilmoqda va uning 2027-yilda tayyor bo‘lishi aytilgan.

Ammo Berlin uchun yana 40 ming faol askar taqdim etish katta qiyinchilik bo‘ladi. Bundesver (Germaniya qurolli kuchlari) 2018-yilda belgilangan 203 ming askar maqsadiga hali yetishmagan. Hozirda Mudofaa vazirligi ma’lumotlariga ko‘ra, taxminan 20 ming doimiy askar yetishmayapti.

Bundan tashqari, yangi NATO maqsadlari hali Yevropadagi AQSH qo‘shinlari qisqartirilishi ehtimolini hisobga olmaydi. Bu esa yevropaliklar orasida xavotir uyg‘otmoqda. Chunki NATO mudofaa rejalarining katta qismi AQSH kuchlariga tayanadi. Vashington 2025-yil oxirida ittifoqchilar bilan qo‘shinlarni qisqartirish rejalari haqida muhokama boshlashini bildirgan.

Vashington 2025-yil oxirida ittifoqchilar bilan qo‘shinlarni qisqartirish rejalarini muhokama qilishni boshlashini aytgan. AQSH prezidenti Donald Tramp ma’muriyati mamlakat Yevropa xavfsizligiga e’tibor qarata olmasligini bildirgan.