Oq uy apparati rahbari Syuzan Uaylsning telefoniga xakerlar buzib kirib, uning nomidan amerikalik senatorlar, gubernatorlar va yirik biznesmenlarga yolg‘on xabarlar yubordi hamda telefon qo‘ng‘iroqlarini amalga oshirdi. Bu haqda manbalarga tayanib The Wall Street Journal xabar berdi.
Syuzan Uayls AQSH prezidenti Donald Trampning eng yaqin maslahatchilaridan biri bo‘lib, ilgari uning saylovoldi kampaniyasini boshqargan. Xakerlik hujumi natijasida mamlakatdagi eng nufuzli shaxslarning kontaktlariga kirish imkoni bo‘lgan.
Hujum oqibatida ayrim qonunchilar Uayls nomidan pul o‘tkazmasini amalga oshirish yoki Tramp afv etishi mumkin bo‘lgan shaxslar ro‘yxatini tuzish bo‘yicha so‘rovlar olgan. Telefon qo‘ng‘iroqlari chog‘ida xakerlar sun’iy intellekt yordamida Uaylsning ovozini taqlid qilgan bo‘lishi mumkin.
Uayls nomidan yozilgan xatlar oluvchilarda shubha uyg‘otgan, chunki ularda grammatik xatolar bo‘lgan va yozish uslubi keskin farqlangan. Shuningdek, o‘zini Uayls deb tanishtirgan shaxs Tramp haqida savollar bergan. Oq uy apparati rahbari bu savollarning javobini bilardi.
Firibgarlik ortida kim turgani va uning maqsadi noma’lum. Hozirda Federal qidiruv byurosi va Oq uy ushbu holat yuzasidan tergov olib bormoqda. Tergovchilar fikricha, hozircha hujum ortida xorijiy davlat turganiga oid aniq dalillar mavjud emas.
Izoh (0)