Toshkent shahrida 17-may, soat 18:50 lardan boshlab kuchli chang bo‘ronli shamol bo‘lmoqda.
Mutaxassislar avvalroq Qizilqum sharqida bulut osti shamollar sharqqa tomon chang massasini haydayotgani haqida yozgandi.
Toshkent shahar FVB fuqarolardan qator xavfsizlik choralariga rioya qilishni so‘ramoqda. Jumladan:
- yashash joylarida eshik-derazalar, chordoq va havo aylanish tizimlarini mahkam berkitish;
- ko‘chalarda daraxt va elektr ustunlari tagida turmaslik;
- ko‘p qavatli binolar balkonlarida, deraza tokchalari hamda tashqaridagi buyumlarni imkon qadar xavfsiz joylarga olib qo‘yish yoki mustahkamligini tekshirish;
- shamol kuchayganda mustahkam qurilgan binolar, yerosti o‘tish yo‘llari va boshqa yashirinish mumkin bo‘lgan joylarda muhofazalanish;
- buzilgan binolarga kirish, xavfli ustunlar, reklama ustunlari va daraxtlar ortiga yashirinish taqiqlanadi.
Shuningdek, avtomobillarni daraxtlar va yengil konstruksiyali qurilmalar ostida qoldirmaslik tavsiya etilmoqda.
Fuqarolardan noqulay ob-havo sharoiti bilan bog‘liq har qanday favqulodda vaziyatlarda poytaxt hokimligi tegishli xizmatlarining (71) 212-69-80, (71) 212-69-82, 1050 va 1055 raqamlariga murojaat qilishlari so‘raldi.
Izoh (0)