Rossiyaning ikkita yo‘lovchi samolyoti bir sutka ichida havoda nosozlikka uchradi. Hodisa vaqti ikkala samolyotda 150-160 nafardan yo‘lovchi bo‘lgan.
18-may kuni Novosibirskdan Irkutskka parvozni amalga oshirayotgan S7 Airlines aviakompaniyasining Boeing 737-800 samolyoti texnik nosozlik tufayli parvozdan so‘ng darhol aeroportga qaytgan. Bortda 160 nafar yo‘lovchi bo‘lgan. Qo‘nishdan keyin uchoq parvozlardan chetlashtirilgan.
Reysni bajarish uchun zaxira bort ajratilgan. Prokuratura hodisa tafsilotlarini tekshirishni boshlagan. Aviaincident profil Telegram kanali ma’lumotlariga ko‘ra, parvozdan so‘ng ekipaj shassi yig‘ishtirilmagani haqida xabar bergan va oldindan yoqilg‘i ishlab chiqarib, Tolmachevo aeroportiga qaytishga qaror qilgan.
Samolyot havoga ko‘tarilgach, ekipaj shassi yig‘ilmaganini bildirgan va yoqilg‘ini sarflab bo‘lgach, Tolmachyovo aeroportiga qaytishga qaror qilgan, deyiladi Aviaincident Telegram kanali xabarida.
17-may kuni ertalab soat 6 atrofida Gorno Altayskdan Moskvaga uchayotgan 150 nafar yo‘lovchiga ega S7 aviakompaniyasining yana bir samolyoti texnik sababga ko‘ra Novosibirskka favqulodda qo‘ngan. “Aviatorshina” kanalining yozishicha, parvoz boshlanganidan yarim soat o‘tib, 10,9 ming metr balandlikda Airbus A320 ekipaji chap dvigatel ishdan chiqqanini dispetcherlarga ma’lum qilgan.
Natijada havo kemasi komandiri Novosibirskda qo‘nishga qaror qilgan. Qo‘nish muvaffaqiyatli o‘tgan, hech kim jabrlanmagan. Mazkur samolyot ham parvozlardan chetlashtirilgan. Yo‘lovchilar zaxira samolyotida Moskvaga jo‘natilgan.
Ukrainaga bostirib kirishdan keyin Rossiyaga qarshi xalqaro aviatsiya sanksiyalari Rossiya tashuvchilari parkining texnik holati sezilarli darajada yomonlashishiga olib keldi. Birgina 2024-yilning 11 oyida 208 ta aviahalokat sodir bo‘ldi. Bu 2023-yilga nisbatan chorak baravar ko‘p, deya hisoblaydi “Novaya gazeta Yevropa”. Bunda deyarli har ikkinchi holat dvigatellarning ishlamay qolishi yoki shassining buzilishi bilan bog‘liq bo‘lgan.
Mart oyida “Rostex” davlat korporatsiyasi rahbari Sergey Chemezov yaqin yillarda Rossiya aviakompaniyalari parkda qolgan kamida 200 ta xorijiy samolyotni hisobdan chiqarishi kerakligi haqida ogohlantirgandi. Muammo ko‘lami haqida “Rosaviatsiya” ma’lumotlari ham guvohlik beradi.
Uning rahbari Dmitriy Yadrovga ko‘ra, aviatashuvchilar allaqachon 58 ta xorijiy samolyotdan foydalanish imkoniyati yo‘qligi sababli mahrum bo‘lgan. Umuman olganda, mavjud G‘arb laynerlari flotining 30 foizi — bugungi kunda mamlakat ichidagi yo‘lovchi aviatashuvlarining 90 foizini ta’minlaydigan 700 ga yaqin Boeing va Airbus samolyotlari xavf ostida.
Izoh (0)