Тошкент шаҳрида 17 май, соат 18:50 лардан бошлаб кучли чанг бўронли шамол бўлмоқда.
Мутахассислар аввалроқ Қизилқум шарқида булут ости шамоллар шарққа томон чанг массасини ҳайдаётгани ҳақида ёзганди.
Тошкент шаҳар ФВБ фуқаролардан қатор хавфсизлик чораларига риоя қилишни сўрамоқда. Жумладан:
- яшаш жойларида эшик-деразалар, чордоқ ва ҳаво айланиш тизимларини маҳкам беркитиш;
- кўчаларда дарахт ва электр устунлари тагида турмаслик;
- кўп қаватли бинолар балконларида, дераза токчалари ҳамда ташқаридаги буюмларни имкон қадар хавфсиз жойларга олиб қўйиш ёки мустаҳкамлигини текшириш;
- шамол кучайганда мустаҳкам қурилган бинолар, ерости ўтиш йўллари ва бошқа яшириниш мумкин бўлган жойларда муҳофазаланиш;
- бузилган биноларга кириш, хавфли устунлар, реклама устунлари ва дарахтлар ортига яшириниш тақиқланади.
Шунингдек, автомобилларни дарахтлар ва енгил конструкцияли қурилмалар остида қолдирмаслик тавсия этилмоқда.
Фуқаролардан ноқулай об-ҳаво шароити билан боғлиқ ҳар қандай фавқулодда вазиятларда пойтахт ҳокимлиги тегишли хизматларининг (71) 212-69-80, (71) 212-69-82, 1050 ва 1055 рақамларига мурожаат қилишлари сўралди.
Изоҳ (0)