Ostona, Chimkent va Qozog‘istonning qator viloyatlarida 26-oktyabr kuni qor, bo‘ron, kuzatilib, yerlar muzlashi va shamol kuchayishi kutilmoqda. Bu haqda “Kazgidromet”ga tayanib, “Nur.kz” xabar berdi.
Ostonada muzlash kuzatilishi, shaharda va Chimkentda shamol tezligi 15-20 m/s gacha kuchayishi kutilmoqda. 26-oktyabr kuni kechasi va ertalab Mang‘istov viloyatining sharqi va markaziga tuman tushishi mumkin.
G‘arbiy Qozog‘iston viloyatining g‘arbiy va janubida ham tuman tushishi, shamol esishi, uning tezligi 15-20 m/s tezlikda bo‘lishi kutilmoqda. Ulitau viloyatining shimoli va sharqida muzlash, Turkiston viloyatining tog‘li hududlarida esa kuchli yomg‘ir va tuman tushishini taxmin qilingan.
26-oktabr kuni Oqmo‘la viloyatining shimoli, janubi va sharqida muzlash kuzatilib, qor yog‘ishi mumkin. Shimoliy Qozog‘iston viloyatining ko‘p qismida yog‘ingarchilik (yomg‘ir, qor) bo‘lishi kutilmoqda. Viloyatning shimoli, g‘arbiy va janubida muzlash kuzatiladi. Ko‘stanay viloyatining shimoliy, sharqi va janubida tuman tushishi, muzlashi, qor yog‘ishi, 15-20 m/s tezlikda shamol bo‘lishi mumkin.
Sharqiy Qozog‘iston viloyatining shimoliy va sharqida vaqti-vaqti bilan kuchli yog‘ingarchilik (yomg‘ir, qor yog‘ishi) kutilmoqda. Shamol shimoldan, janubdan, viloyat markazida 15-20 tezlikda, kunduzi 23 m/s tezlikda esadi.
Qozog‘iston Ichki ishlar vazirligi haydovchilarni ob-havo yomonlashganda yo‘lda yuzaga kelishi mumkin bo‘lgan xavflardan ogohlantiradi. Vazirlik avtomobil egalari ob-havo o‘zgarishlari va ma’lumotlarini, shuningdek, ob-havoning yomonlashuvi va yo‘llarning yopilishi haqida maxsus xabarlarni diqqat bilan kuzatib borishlari kerakligini bildirgan.
Izoh (0)