Samarqand va Qashqadaryo viloyatlarining ayrim hududlarida 19-dekabr kuni kuchli shamol va changli bo‘ron kuzatildi. “O‘zgidromet” holat bo‘yicha qo‘shimcha ma’lumot berdi.
Qayd etilishicha, Xorazm, Buxoro, Navoiy, Samarqand va Qashqadaryo viloyatlarida ertalab va kunning birinchi yarmida yomg‘ir yog‘ishi, shamolning kuchayishi kuzatilgan. Navoiy, Samarqand, Jizzax viloyatlarining ba’zi tumanlarida yomg‘ir yog‘ishidan oldin shamolning kuchayishi changli bo‘ronlarning ko‘tarilishiga va ko‘rinuvchanlikni yomonlashishiga olib kelgan.
“Yaqin 2-3 soatda (soat 13 dan 15 gacha) Toshkent, Jizzax, Sirdaryo viloyatlarida yomg‘ir yog‘ishidan oldin shamol kuchayishi mumkin, ba’zi joylarda qisqa muddatga changli bo‘ronlar ko‘tarilishi kutilmoqda”, — deyiladi “O‘zgidromet” xabarida.
Eslatib o‘tamiz, “O‘zgidromet”ning 19-dekabr kuni kuzatiladigan ob-havo prognozirda respublika hududining katta qismida yomg‘ir yog‘ishi aytilgan. Shamol 7-12 metr/sekund tezlikda esadi, ba’zi joylarda 15-20 metr/sekund gacha kuchayishi mumkin. Havo harorati 10-15 iliqni tashkil etadi.
Izoh (0)