“O‘zgidromet” Toshkent viloyatining Bo‘stonliq tumanida chang bo‘roni kuzatilishidan ogohlantirdi.
Ma’lum qilinishicha, 27-yanvar kunida Turkmaniston hududidan iliq havo kirib kelishi, harorat va atmosfera bosimining nisbatan gradiyentlari vujudga kelishi hisobiga Bo‘stonliq tumanining ba’zi joylarida shamol tezligi 17-22 metr/sekundgacha kuchayishi kutilmoqda. Natijada mazkur hududda chang bo‘ron va g‘uborlar kuzatilishi mumkin.
Eslatib o‘tamiz, Toshkent shahri va viloyatida 25-yanvar kuni qalin tuman tushish holati kuzatilgandi. Gidrometeorologiya xizmati markazi direktorining birinchi o‘rinbosari Ibratjon Karimov tuman inson salomatligi uchun xavfsiz ekanini aytgandi.
Uning so‘zlariga ko‘ra, tuman tushgan paytda Toshkent shahridagi yuqori sezuvchanlikka ega atmosfera havosining ifloslanish darajasini o‘lchaydigan statsionar postlarda mayda dispers zarrachalar miqdori 111,2 mikrogramm metr/kubni tashkil etgan. Ko‘rsatkich sanitar me’yor qoidalariga ko‘ra inson salomatligi uchun xavfsiz daraja hisoblanadi.
Izoh (0)