Uzbekistan Airways самолётида 15 январь куни техник носозлик кузатилди. Бу ҳақда авикомпания матбуот хизмати хабар берди.
Қайд этилишича, Внуково халқаро аэропортида ҳаво кемасида техник носозлик вужудга келган. Шу сабабли Uzbekistan Airways авиакомпаниясининг бир нечта авиақатновлари мажбурий кечиктирилади.
HY9628/9627/9608 Москва (Внуково)—Фарғона—Москва (Внуково)—Бухоро авиақатновлари тахминий ҳаракат жадвали:
- HY9628 — Москвадан (Внуково) жўнаб кетиш 17:25, Фарғонага етиб бориш 23:40;
- HY9627 — Фарғонадан жўнаб кетиш 00:50 (16 январь), Москвага (Внуково) етиб бориш 03:35 (16 январь);
- HY9608 — Москвадан (Внуково) жўнаб кетиш 04:50 (16 январь), Бухорога етиб бориш 10:45 (16 январь).
Flightradar24 сайтида ушбу йўналишда учган Бухоро—Москва йўналишида учган UZB9607 рейсининг ҳаракат траекториясини кўриш мумкин.
Telegram’даги Авиаинцидент каналининг ёзишича, 15 январь куни Москва вақти билан соат 7:16 да (Тошкент вақти билан 9:16) Бухоро—Москва йўналишида 4000 фут баландликда учаётган Airbus А320 самолёти иккинчи двигателида носозлик аниқланган.
Кейинроқ Uzbekistan Airways ҳолат юзасидан қўшимча маълумот берди. Унда айтилишича, бортида 132 йўловчи бўлган самолёт аэропортга қўнаётганда двигателлардан бири ишдан чиққан. Қўниш муваффақиятли амалга оширилган. Uzbekistan Airways техник хизматлари томонидан барча тиклаш ишлари олиб борилмоқда.
Амалдаги парвозлар жадвалида режалаштирилган кейинги авиақатновлар Внуково халқаро аэропортига учиб кетган захира ҳаво кемасида амалга оширилади.
Изоҳ (0)