Jeju Air авиакомпаниясининг Муан халқаро аэропортида юзага келган йўловчи самолёти ҳалокатидан бир кун ўтиб, худди шу моделдаги самолёт шасси (кўтарилиш ва қўниш учун зарур бўлган тизим) билан боғлиқ муаммо туфайли ортга қайтди.
-A_bkzua8.jpg)
30 декабрь куни Jeju Air авиакомпаниясининг 7C101 рейсининг экипажи (Boeing B737-800 самолёти), соат 06:37 да Кимпо аэропортидан парвоз қилди ва парвоз давомида шассидаги носозликни аниқлади. Авиакомпания дарҳол бортда бўлган 161 йўловчига бу муаммо ҳақида хабар берди ва самолётни қайтариб, соат 07:25 да Кимпо аэропортига хавфсиз қўндирди.
Jeju Airънинг бошқарув департаменти раҳбари Сон Кёнг Ҳуннинг сўзларига кўра, соат 06:57 да парвоздан кейин шассида носозлик ҳақида сигнал олиниб, капитан ерга қайтиш учун қарор қабул қилган. Шассининг текширилиши ва нормал ҳолатга келтирилиши амалга оширилган бўлса-да, капитан хавфсизликни таъминлаш мақсадида самолётни қайтаришга қарор қилган.
Кейинчалик 21 йўловчи бу рейсдан бош тортди. Jeju Air қолган йўловчиларни бошқа шундай моделдаги самолётга ўтказди ва самолёт 08:30 да Чежуга қайта учди.
- Айнан шу моделдаги самолёт 29 декабрда Муан аэропортида ҳалокатга учраган эди. Самолётда бўлган 2 кишидан бошқа барча вафот этди.
- 29 декабрда шасси носозлиги сабаб Канадада ҳам самолётнинг қўниш жараёнида муаммо юзага келганди.
- Халқаро ҳаво транспорти ассоциациясининг (IATA) статистикаларига кўра, 2005 йилдан ўтган йилгача бўлган даврда самолётнинг шасси носозлиги сабабли юзага келган авариялар 53% ни ташкил этган.
- Ҳукумат буйруғи билан, Кореяда барча Boeing 737-800 самолётлари махсус текширувдан ўтказилади. Жанубий Кореяда жами 101 та ушбу моделдаги самолёт мавжуд бўлиб, Jeju Air авиакомпаниясида энг кўп — 39 та самолёт ишлатилмоқда. Шунингдек, Тъwай Аир 27 та, Жин Аир 19 та, Eastар Жет 10 та, Аир Инчеон 10 та ва Кореан Аир 2 та шу моделдаги самолётдан фойдаланади.
Изоҳ (0)