Турк сериалларининг машҳур актрисалари экранларда ўзининг жозибаси ва истеъдоди билан миллионлаб томошабинларни мафтун этган. Бироқ уларнинг кўркам қиёфаси ва муваффақиятига сабабчи бўлган инсонлар — ота-оналари ҳақида кўп гапирилмайди. Ушбу мақолада турк киносининг машҳур юлдузлари ортида турган ота-оналар ҳақида маълумот берамиз.
- Керем Алишик
“Бир вақтлар Чукуровада” сериалида Али Раҳмет Фекели ролини ўйнаган Керем Алишик оиласини жуда яхши кўради ва улар ҳақида ижтимоий тармоқларда тез-тез эътироф этади. Актёрнинг саҳифаси ота-онаси билан тушган суратларга ва улар томонидан берилган ҳаёт учун миннатдорлик изҳор қилинган постларга тўла. Керем Алишик ота-онасидан нафақат кўркам қиёфани, балки шубҳасиз истеъдодни ҳам мерос қилиб олган.
Керемнинг отаси Садри Алишик театр ва кино актёри бўлиб, 140 дан ортиқ фильмларда рол ўйнаган. У 1925 йил 5 апрелда туғилган. Мактаб давридаёқ театр спектаклларида ўйнаган. У 1946 йилда кинода дебют қилган ва ижодий фаолияти давомида комедияларда, тарихий ва криминал фильмларда иштирок этган. 1980 йилдан бошлаб у телесериалларда ҳам рол ўйнай бошлайди. Садри Алишик 1995 йил 18 мартда вафот этган, ҳозирда хусусий театр ва маданият маркази унинг номи билан аталади.
- Фаҳрие Эвжен Ўзчивит
“Чолиқуши” (2013) ва “Чексиз севги” фильмларининг гўзал юлдузи болалигида мураккаб даврларни бошидан ўтказган. Унинг отаси Рамазон Эвжен Грециядан Германияга кўчган турк муҳожири, онаси эса черкес миллатига мансуб аёл эди.
90 йилларда Германияда неофашистлар мигрантларга қарши шафқатсиз муносабатда бўлишган. Бир куни ёш Фаҳрие кўз ўнгида жиноятчилар уйларини ёқиб юборишган ва беш киши ҳалок бўлган. Унинг оиласи эса омон қолган.
Рамазон Эвжен 2020 йилда онкологик касаллик туфайли вафот этган.
- Керем Бурсин
“Қалбим эшигини қоқ” романтик комедияси экранларга чиққач, актёр жаҳон миқёсида танилди. Бугунги кунда у жангари фильм қаҳрамонларидан тортиб мафтункор севги қаҳрамонларигача бўлган турли хил ролларни ижро этмоқда. Керем Бурсин болалигида оиласи билан жуда кўп жойларга кўчиб юрган. Унинг отаси Иброҳим Памир халқаро нефть компаниясини бошқарган тадбиркор бўлса, онаси Чиғдем уй бекаси ва ижтимоий фаол аёллардан эди.
Керем актёр бўлиш ниятида эканлигини айтганда, онаси уни қўллаб-қувватлаган, фақатгина ўғлидан арзон ва қўрқинчли фильмларда рол ўйнамаслик талабини қўйган. Ота эса бу касбга қарши бўлган. Аммо Керем ўз йўлини танлаб, АҚШда карьерасини фаолият бошлади ва кейинчалик тасодифан таниқли турк агенти билан учрашиб, айнан Туркияда машҳурликка эришди.
- Марям Узерли
“Муҳташам юз йил” сериали орқали дунё бўйлаб машҳурликка эришган актриса Ғарбий Германиянинг Кассел шаҳрида туғилган. Унинг отаси Хусейн турк, онаси Урсула эса немис миллатига мансуб.
Урсула онкологик касалликка чалиниб, узоқ вақт ҳаёт учун курашган. Ўша пайтларда ёш Марям асосий вақтини мактаб ва шифохона ўртасида қатнаб ўтказган. У доимо онасининг ёнида бўлишга ҳаракат қилган ва натижада Урсула касалликни енга олган.
Актрисанинг ўзига хос ёрқин ташқи кўринишига сабабчи сифатида айнан турк-немис генлари туфайли, деб ҳисоблашади.
- Бирже Акалай
“Оқ-қора муҳаббат” ва “Самовий севги” сериаллари юлдузи Истанбулдаги оилада, ягона фарзанд сифатида дунёга келган. Унинг отаси Сержан техника соҳасида муваффақиятли тадбиркор, онаси Ёсамин эса сиёсат ва санъатга қизиққан уй бекаси эди.
Актрисанинг таъкидлашича, ота-онаси унга барча ишларда елкадош бўлган ҳамда қизининг ҳар бир янги қарорини қўллаб-қувватлаган. Улар Бирженинг фикрини доим инобатга олишган. Актриса ижтимоий тармоқларда ота-онасига нисбатан чиройли ҳамда самимий сўзлар ёзишдан тўхтамайди. У Отаси Сержанинг туғилган кунида шундай деб ёзган:
“Сиз менга ҳаёт қийинчиликларида, қўрқувга тўла туннелларида ва шиддатли бўронларда ёлғиз ҳолда ҳам омон қолишни ўргатдингиз. Сизнинг шарофатингиз билан мен гуллар экишни, милтиқ ушлашни ва винтни бурашни биламан. Ўз қўлларингиз билан барпо этган хонадон, менга қолдирган бойлик ҳамда чуқур фалсафа учун сиздан жуда миннатдорман. Шу сабабли ўз ҳаётимни сиз учун бағишлайман” дея пост қолдирган эди актриса.
- Ҳанде Эрчел
“Қалбим эшигини қоқ”, “Маликам, энди қара” сериалларида бош ролни ўйнаган Ҳанде Эрчел 1993 йилнинг 24 ноябрида Bandirma шаҳрида туғилган. Ота-онаси оддий ҳаёт кечирган: отаси савдо билан шуғулланган, онаси эса уй бекаси бўлган. Ҳанденинг Гамзе исмли опаси бор. Улар бир йил фарқ билан туғилганлиги учун болаликда кўпинча ўзларини эгизак деб таништирарди.
Ҳанденинг отаси Кайя Эрчел маиший техника савдоси билан шуғулланган, онаси Айлин эса уй бекаси бўлган ва қизларининг тарбияси билан банд бўлган. Ҳанде оиланинг кенжаси бўлиб, ҳар доим опаси Гамзенинг изидан юрган. Кайя қизини тиббиёт йўналишида ўқишини истаган, аммо Ҳанде тасвирий санъат университетига кирган ва бир вақтда актрисалик фаолиятини бошлаган. Афсуски, онаси Айлин 2019 йилда саратон туфайли вафот этган. Ҳанде онасининг хотирасига бағишлаб ҳар йили хотира постларини ёзади.
- Таро Эмир Текин
“Қўрғин сирлари” даги Кая образи ҳамда ва “Бевафо” сериаллари билан машҳур бўлган Эмир Текин санъаткорлар оиласида туғилган. Унинг онаси Шеввал Сам таниқли актриса ва хонанда, отаси Метин Текин эса футболчи эди.
Таро Эмир ота касбни танлаб, футболчи йўналишида фаолият юритишни истаган, бироқ театр соҳасига қизиқиб қолгач, актёрлик фаолиятини танлаган. У онасидан доимий танқид ва маслаҳатлар олишига қарамай, волидасидан доим миннатдор бўлган. Актёр оиласи ҳақида шундай дейди:
“Мен оилам билан қалбан жуда яқинман. Одатда, ҳар қандай масалада улар билан маслаҳатлашаман. Мени тушунадиган ва мен танлаган йўлдан биргаликда ўтган ота-онам борлигидан жуда бахтиёрман”.
Изоҳ (0)