Айшвария Рай биринчи ўринда эмас: Болливуднинг энг бадавлат актрисаси ким?

Болливуд — бу дунёдаги энг йирик киноиндустриялардан бири бўлиб, актрисалар фақатгина фильмларда суратга тушиш эмас, балки реклама шартномалари орқали ҳам катта миқдорда пул ишлашади. Қуйида Болливуддаги энг бой актрисаларнинг рейтингини келтириб ўтамиз.

12. Алия Бхат

Бойлиги: 4,6 миллион доллар

Болливуднинг ёш юлдузи Алия Бхат “Йўл”, “Қимматли ҳаёт” ва “Рази” фильмларидаги роллари билан томошабинларнинг қалбини забт этди. Унинг бир фильм учун гонорари 720 000 доллардан 960 000 долларгача. Актёрликдан ташқари, Алия ўз мусиқий истеъдоди билан ҳам машҳур бўлиб, фильмлар учун қўшиқлар ёзиб чиқаради.

11. Каришма Капур

Бойлиги: 8,7 миллион доллар

90 йиллар юлдузи Каришма Капур Болливуддаги энг машҳур актрисалардан бири бўлиб қолмоқда. У камдан-кам суратга тушса ҳам, киноиндустрияга қўшган ҳиссаси катта. Каришма бир фильм учун 960 000 доллардан 1,2 миллион долларгача пул ишлаб топади ва унинг умумий бойлиги 8,7 миллион долларни ташкил этади.

10. Сонам Капур

Бойлиги: 11,4 миллион доллар

Услуб белгиси сифатида танилган Сонам Капур “Нирджа” ва “Veer Di Uedding” фильмлари билан машҳурликка эришди. Унинг даромади LʼOreal ва Oppo каби йирик брендлар билан ҳамкорлик қилиш орқали ҳам тўлдирилади. У бир фильм учун 840 000 доллардан 1,2 миллион долларгача пул олади.

9. Кангана Ранаут

Бойлиги: 11,4 миллион доллар

Кангана Ранаут “Малика” ва “Маникарника” фильмларидаги роллари билан шуҳрат қозонди. У Vero мода бренди билан ҳамкорликда кийим-кечак линиясини чиқариб, ўз бизнесини фаол ривожлантириб боради. Унинг бир фильм учун гонорари 1,08 миллион доллардан 1,26 миллион долларгача.

8. Видя Балан

Бойлиги: 13,2 миллион доллар

Миллий кино мукофоти соҳиби Видя Балан “Кир сурат” ва “Ҳикоя” фильмларидаги роллари билан томошабинларни мафтун этди. Унинг бойлиги 13,2 миллион долларни ташкил этади ва бир фильм учун гонорари 960 000 доллар.

7. Кажол

Бойлиги: 17 миллион доллар

Болливуднинг энг севимли актрисалардан бири бўлган Кажол “Ўғирланмаган келин” ва “Гоҳи шодлик, гоҳи ғам” фильмларидаги роллари билан машҳур. Унинг бойлиги 17 миллион долларни ташкил этади ва бир фильм учун гонорари 600 000 доллардан 840 000 долларгача.

6. Приянка Чопра

Бойлиги: 21,9 миллион доллар

“Дунё гўзали” бўлиб танилган Приянка Чопра нафақат Болливудда ва Голливудда ҳам муваффақиятга эришган. Унинг фильмлар, сериаллар ва реклама шартномаларидан олган даромади 21,9 миллион долларни ташкил этади ва бир фильм учун гонорари 1,56 миллион доллар.

5. Анушка Шарма

Бойлиги: 26,6 миллион доллар

Анушка Шарма Болливуддаги энг муваффақиятли актриса ва продюсерлардан бири. Унинг бойлиги 26,6 миллион долларга баҳоланади ва бир фильм учун гонорари 840 000 доллардан 960 000 долларгача.

4. Айшвария Рай

Бойлиги: 30,8 миллион доллар

1994 йилда “Дунё гўзали” деб топилган Айшвария Рай жаҳон миқёсида гўзаллик тимсолига айланган. Унинг “Девдас” ва “Жодха ва Акбар” фильмларидаги роллари шуҳратини янада оширди. У бир фильм учун 720 000 доллар ишлаб топади ва унинг умумий бойлиги 30,8 миллион долларни ташкил қилади.

3. Катрина Каиф

Бойлиги: 50 миллион доллар

“Болливуд Барбиси” деб аталадиган Катрина Каиф “Йўлбарс тирик” ва “Дон” фильмлари орқали катта муваффақиятга эришди. Унинг бойлиги 50 миллион долларни ташкил этади ва бир фильм учун гонорари 1,38 миллион доллар.

2. Карина Капур

Бойлиги: 52,6 миллион доллар

“Болливуд Бегойими” Карина Капур “Кўришайлик” ва “Veer Di Uedding”” фильмларидаги роллари билан машҳур. Унинг бир фильм учун гонорари 1,38 миллион доллар, умумий бойлиги эса 52,6 миллион доллар.

1. Дипика Падуконе

Бойлиги: 57 миллион доллар

Дипика Падукон Болливуддаги энг бой актрисалар рейтингини бошқаради. У “Ом Шанти Ом” фильми билан фаолиятини бошлади ва шу кунгача “Падмавати” ва “Пику” каби кўплаб хит фильмларда суратга тушди. У бир фильм учун 1,68 миллион доллар олади ва унинг ҳозирги бойлиги 57 миллион доллар.